Moyan

Pasar antri pasar luhur
Pasar rame sisi jalan,
Da teu ngarti nu diluhur
matak rame nu keur moyan....he he..

Manuk manyar

Manuk manyar dina eurih
bincarung eunteup na tehel,
Nu anyar nyieun kapeurih
kaduhung miceun nu heubeul.

Muyung

Cihaliwung pasirkuntul
katonggohna pasirhaur,
Abdi muyung huleng jentul
kabogoh digaet batur.

Budak leutik meuli sekrup
kapeutingan di jamika,
Duit leutik kudu cukup
nu penting pinuh kacinta.

Ka samarang ngadon ulin
asa hayang numpak sado,
Can kasorang Uing kawin
rumasa can pendak jodo.

Sono

Sarundeng ti purwakarta
beuki ponyo dugi nambih,
Ngarendeng pinuh ka cinta
beuki sono silih asih.

Laukna mani karumpay
Di wahangan ting kocépat,
Buukna mani ngarumbay
Di sawang matak tibelat

Lamunan

Cikapundung caina coklat
ngawawaas kota kembang,
Nu pundung abdi tibelat
ngahelas ieu kahayang.
  
Meuyeum cau sisi bilik
kintunan ti majalaya,
Malem minggu hujan leutik
lamunan kanu teu aya.

Katapang lebah tampian
dauna kana lahunan,
Patepang dina impian
jauhna jadi lamunan.

Silaturahmi

:
Ti Cianjur rek ka Bandung
Reureuh heula di Cimahi,
Jeung dulur hayang ngariung
Mageuhkeun Silaturahmi.

ka Bandung

Ka Bandung ka jalan braga
sapayung basa keur sore,
Kabingung moal teuaya
satungtung teu boga gawe.

Ka Bandung ka jalan jawa
mawa saron sareng goong,
Bingung jawabna kumaha
aya Enon ngajak ngomong.

Kapinis

Kapinis eunteup na eurih
belut sisit ti sagara,
nu manis nyieun kapeurih
beut mundut kapal udara 

padahal sorena alum
ka padang ka bukit tinggi,
Padahal dibere setum
ka akang kalakah jebi

 

sarundeng

sarundeng ti purwakarta
matak ponyo dugi nambih,
Ngarendeng pinuh ka cinta
matak sono silih asih.

mending ge manggulan suluh
batan kudu nyeterika,
mending ge mayunan musuh
batan kudu putus cinta.

Marga Asih Marga Cinta
Jakapurwa Pandan Wangi,
Mun miasih jeung micinta
geura teang atuh abdi.

anak kuya

Anak kuya anak bulus
ukur katingal tonggongna,
Entong era mun teu tulus
puguh teuaya jodona.

Kamari aya di tonggoh
Ayeuna aya di landeuh,
Kamari papada bogoh
Ayeuna papada deudeuh.

Samping lurik nu ti tasik
Jalaprang kembang garutna,
Anu calik ulah belik
Akang ka gembang imutna.

menak dalem kaum

Kawas menak dalem kaum
meser limun jajan baso,
Kawas enak mun ngalamun
ngalamun mun gaduh bojo 

Upami neuteup cangkang kupat
sok ras inget ka lebaran,
Upami inget sagala lepat
ras inget ka babaturan.

Ti Cihideung ka Cicadas
Mawa Iwung jeung Awina
Mitineung nu jangkung bodas,
Hariwang pindah asihna

kareta api ti bandung

Anak kuya anak bulus
ukur katingal tonggongna,
Entong era mun teu tulus
puguh teuaya jodona.

Kamari aya di tonggoh
Ayeuna aya di landeuh,
Kamari papada bogoh
Ayeuna papada deudeuh.

Rancaekek Cicalengka
Kareta api ti Bandung,
Mun daek geura balaka
Entong api-api embung. 

dina pipiti

Lamun udang di sarundeng
kapiting rek di suiran,
Mun urang bisa ngarendeng
ti peuting rek sisindiran.

Osok sieun kahujanan
poe ebi na pipiti,
Osok sieun kaedanan
hate abdi mun teu jadi.

tibelat

Laukna mani karumpay
Di wahangan ting kocépat,
Buukna mani ngarumbay
Di sawang matak tibelat!

Banjarsari pamidangan
Dinten sonten Sindangrérét,
Kunyari mani teunangan
Nu hideung santen na rérét!

  
Cimanggung gunung manglayang
susu sapi di bulengan,
gering muyung ku malayang
rasa nu ka bungbulengan.

jalan cagak

Ngala leunca jeung surawung
ku anggang balikna ripuh,
Aya béja enggeus nanjung
ngan ulah hilap ka sepuh.

Jeruk purut Daun waluh
Di beungkeut talina kawat,
Mun nurut Papatah Sepuh
Salamet dunya aherat.

Dina Péta jalan cagak
Dituturkeun leres baé,
Harta banda teu di candak
Nu di bantun amal saé.

Tikukur

Lamun Ningal kana kelat
Inget tikukur nu kabur,
Lamun ningal liang lahat
Inget ditungguan kubur!

Lamun pareng

Hanjakal miang ka gunung
Janten teu terang basisir,
Hanjakal tepung salangkung
Janten ngalanglangan pikir.


Parikesit di Istrenan

Janten Diraja Hastina,
Nyungkelit dina impenan
Kanu taya di kieuna.

Purabaya keur munjungan

Ngadeuheus Batara Kresna,
Dimana ari Jungjunan
Nu deudeuh sareng mitresna.

Lamun emut ka Arjuna

Tangtos emut gondewana,
Lamun emut ka Anjeunna
Tangtos emut ka belana.

Halimun metengan gunung

Ngantos caang kulamina,
Lamun kaparengan tepung

Tangtos nganjang ka Bumina

Teu mecing

kacang katinggang kelewih
cabe dipacok cukakeh,
sanajan urang patebih
hate urang silih sangkeh.

Kuhoyong ngawédang bandrék
Tales jeung hui gandola,
Kuhoyong tepang sadérék
Anu leres bakal béla!

rungkun saga sisi gunung
dipeutik kunu ngalangkung,
mun jaga urang patepung
yu urang ka bale nyungcung

Naon make meuli puring
Da teu mecing jeung Kacina,
Naon Hate make rungsing
Di dieu teu salilana

Malati

‎
malati kembang malati
kaiuhan ku kiara,
nu lami ngancik na ati
anu puguh mung salira

malati kembang malati
kabelitan akar eurih,
nu lami ngancik na ati
pamugi tong nganyeunyeuri

malati kembang campaka
sisi kawung jeung kiara,
ieu ati rek balaka
migandrung mung ka salira.

malati kembang malati
sisi lampingna galunggung,
nu lami ngancik na ati
tong sering nyieun kabingung.

malati kembang malati
endah najan rupa pita,
nu lami ngancik na ati
endah ngaropea cinta.

Mapay jalan dalem kaum

Ti Sénén tepung ka Sénén
Barangbang masih di poé,
Hengén ulah ngaharénén
Urang ngabangbrangkeun haté!

Mun kanari sisi leuwi
Ucing saha ngadodoho,
Lamun aki kawin deui
Cing saha nu mere kado.

Mapay Jalan dalem kaum
rintik hujan pabeubeurang,
Ayeuna teh eukeur saum
Cik ulah loba kahayang.

Mani hieum tangkal loa
aya lember na buahna,
Lamun teu sieun mertua
Abdi suwer rek midua.

Sanés hoé gaduh dua
Ngan ieu bahan rauteun,
Sanés haté ngarasula
Ngan ieu bahan émuteun!

Nyeri huntu

Kajeun abdi nyekel lisung
Batan kudu daék nutu,
Kajeun abdi arék nyandung
Batan daék nyeri huntu!

Ngali cikur ngala ganas
Dicandak mah ka ciparay,
Lamun ukur rek mapanas
Meningan urang paturay.

Salasa pendak Salasa
Ti Dago ka Sukajdi
Tong asa kahalang rasa
Sugan Jodo pakokolot

Sadinten di Rajapolah
Saparantos ti Cimanggung,
Mun Anjeun leubeut kanyaah
Tangtos seueur nu ngadukung!

Ibun na jukut tetelar
Walungan ngéplok caina,
Muhun da kitu ilahar
Geus nanjung poho jangjina!

Rayungan

Ti Cihideung ka Cicadas
Mawa Iwung jang ka lembur
Lamun emut kanu hideung,
Hariwang direbut batur.

Ka Cicadas meuli pita
Ka Cihideung pesen kembang,
Kanu bodas abdi cinta
Kanu hideung abdi sayang.

Ruyung keur nyoer Rajungan
Kapiting pating carapit,
Bingung ari nu rayungan
Pikir rungsing taya duit.

Na korang eusi talikur
Dua warna meunang misah,
Mun kongang jeung bisa akur
Duanana rek ditikah.

Wedang bandrek

Kuhoyong ngawédang bandrék
Tales jeung hui gandola,
Kuhoyong tepang sadérék
Anu leres bakal béla!

Citatah ka Situ Lembang
Caringin mani ngabadeg,
Talatah keur nu ngagémbang
Ngan Angin kalah gigideug

Cigondéwah asal sawah
Wangunan pating Arimut,
Kanyaah ieu ngalayah
Keur Jungjunan Kapiémut

Ngahoding rék maké tasma
Bedahan reujeung pantopel,
Mun hariring pataréma
Guligah rasa paantel

Sok hayang ka Bandung bae
Sok emut Jalan Bragana,
Sok hayang Patepung bae
Sok emut seueur belana,

Saung Jangkung

Aya Saung mani jangkung
damparna di palupuhan
Aya napsu nu Ngaberung 
Badan anu katempuhan

Digelung jeung dikarudung
Dikerpusan itu patung
digugulung matak nguyung
Napsu nu terus ngaberung.

Ka Trusmi milari Sinjang
Katut kerpus reujeung Sarung
Miris hate jeung hariwang
Inget laku nu kalarung.

Lamun Ningal kana kelat
Inget Manuk anu kabur,
Lamun ningal liang lahat
Inget ditungguan kubur!

Ulah geureuhan

Hayamna keur di peureuhan
Siihna arék di balur,
Urangmah ulah geureuhan
Bilih di geuhgeuykeun batur!

Meuli cikur kanggo balur
Balik nguseup ti Cigentur
Lamun akur reujeung dulur
Batur pada mikaresep.

Ti Cianjur rek ka Bandung
Reureuh heula di Cimahi
Jeung dulur hayang ngariung
Mageuhkeun Silaturahmi

Situsaeur Sukamulya
Girimis tepi Cilaki
Seueur dulur jeung Baraya
Tawis tambih Rejekina.

Ngala cabé anu dulur
Dipasihan sapipiti,
Lamun hadé reujeung dulur
Di Asih ku Maha Suci