Lamun pareng

Hanjakal miang ka gunung
Janten teu terang basisir,
Hanjakal tepung salangkung
Janten ngalanglangan pikir.


Parikesit di Istrenan

Janten Diraja Hastina,
Nyungkelit dina impenan
Kanu taya di kieuna.

Purabaya keur munjungan

Ngadeuheus Batara Kresna,
Dimana ari Jungjunan
Nu deudeuh sareng mitresna.

Lamun emut ka Arjuna

Tangtos emut gondewana,
Lamun emut ka Anjeunna
Tangtos emut ka belana.

Halimun metengan gunung

Ngantos caang kulamina,
Lamun kaparengan tepung

Tangtos nganjang ka Bumina