Kembang gadung kembang eros
kembang kadu jeung tarate,
akang embung nyeri waos
komo kudu nyeri hate.
Kapinis ngumpul di leuweung
Digebah pating geleber,
Imut manis matak lungleng
Kana sirah matak lieur.
Malati sareng ermawar
Katembong kabeulit eurih,
Mun abdi tiasa nawar
Kahoyong alim patebih.
Bebence sareng titimplik
Nyumput dina saliara,
Mun simpe abdi sok ceurik
Ngalamun emut salira.
Beas bodas ketan hideung
Na boboko campur cikur,
Hanas abdi mikatineung
Kabogoh direbut batur
Tidak ada komentar:
Posting Komentar